"Қазақстан тұрғын үй компаниясы" АҚ желісі бойынша сатып алу құқығымен жалға берілетін тұрғын үйді беру қағидалары

Бағдарламаның шарттары

Бұл бағдарламаға Астана қаласының әкімдігіне ведомстволық бағынысты білім беру, денсаулық сақтау, мәдениет, спорт, әлеуметтік қорғау, полиция департаменті және төтенше жағдайлар департаментінің қызметкерлері болып табылатын азаматтардың барлық санаттары қатыса алады.

- Кезекте тұрғандар ниет білдірушілер осы портал аралығында өтініш береді;

- Өтініштерді қабылдау тек электронды түрде;

- Тұрғын үй түрі: сатып алу құқығымен жалға берілетін тұрғын үй;

- 1 ш. метрге жалға алу құны – 1455 теңге;

- Жалға алудың ең ұзақ мерзімі – сатып алу құқығымен 20 жылға дейін;

- Тұрғын үй жалға алу мерзімі өткеннен кейін жалға алушының меншігіне өтеді;

- Табыс жеткіліксіз болған жағдайда кепілгерлерді тарту мүмкіндігі;


Өтінімді тұрғын үйге кезекте тұрған барлық санаттар және жұмыс орны бойынша талаптарға сәйкес келетіндер бере алады (көп балалы отбасылар, толық емес отбасылар, мемлекеттік қызметшілер және т.б.).

Құжаттар тізімі: 1) ЭЦҚ кілті; 2) өтінім берген сәтте 10 күннен кешіктірмей берілген мекеменің фирмалық бланкісіндегі жұмыс орнынан анықтаманың сканерленген нұсқасы.

Сіз өзіңіздің отбасыңыздың құрамына қарамастан, кез-келген (1,2,3 бөлмелі) пәтерге үміткер бола аласыз. Дегенмен, сіз таңдаған пәтер түрін алуға мақұлдау сіздің төлем қабілеттілігіңізге тікелей байланысты. Маңызды ақпарат! Егер сіз өтініш берген кезде, мысалы, екі бөлмелі пәтерді таңдасаңыз және таңдау нәтижелері бойынша оған сәйкес келмесе, сіз пәтердің басқа түрін таңдай алмайсыз және қайта өтініш бере алмайсыз

Бағдарлама 2 кезеңде жүзеге асырылады:
1) Қатысуға өтініш беру және кезекке қою күніне сәйкес іріктеу;
2) Кезекке қою күні бойынша байқаудан өткеннен кейін "ҚЖК" АҚ төлем қабілеттілігі рәсімдерінен өту қажет.ҚЖК жедел желі телефоны - 8 (800) 080-44-48